السبت، 28 مايو 2011

پشتى‮ ‬چوونا ئه‌سمايێ به‌شار ته‌نگافتر لێهـاتيه‌
2011-05-11
ب،‮ ‬هـۆشه‌نگ تاجر‮:‬

پشتي‮ ‬كو ئێكه‌تيا ئورۆپا دارايێ به‌رپرسێن سوريێ ل به‌نكێن ئورۆپايێ راگرتن،‮ ‬د پێنگه‌ڤه‌كا دى‮ ‬دا فرۆشتنا چه‌كان بۆ سوريێ ژى‮ ‬هـاته‌ راگرتن و هـه‌ڤژينا سه‌رۆكى‮ ‬سوريێ ژى‮ ‬وه‌ك نه‌رازيبوونه‌ك ل هـه‌مبه‌ر توندوتيژيا دژى‮ ‬خوه‌نيشاده‌ران سوريه‌ بجهـ هـێلا و چوو بريتانيا‮.‬
ئاژانسێن ئورۆپى‮ ‬ديار كرن كو‮ ‬ئێكه‌تيا ئورۆپا بريار وه‌رگرتيه‌ نابيت به‌رپرسێن پايه‌بلند‮ ‬يێن سوريێ سه‌ره‌دانا وه‌لاتێن ئێكه‌تيا ئورۆپا بكه‌ن و د هـه‌مان ده‌مێ دا هـه‌موو دارايێ وان ل به‌نكێن ئورۆپا دا هـاتنه‌ راگرتن و فرۆشتنا چه‌كان بۆ سوريێ ژى‮ ‬هـاته‌ راگرتن و دێ سوريێ تووشێ دۆرپێچێن ئابوورى‮ ‬بيت‮.‬
ل ئاليێ دى‮ ‬ئاژانسا فره‌نسا راگه‌هـاند كو به‌رپرسێن ئه‌مريكى‮ ‬ژى‮ ‬كار بۆ هـندێ دكه‌ن دا سزايێن ئابوورى‮ ‬يێن گران ل سه‌ر سوريێ بسه‌پينن و هـه‌ر وه‌سا په‌يوه‌نديێن سوريێ ل گه‌ل گه‌له‌ك وه‌لاتان ژى‮ ‬بده‌نه‌ راگرتن،‮ ‬د ده‌مه‌ك وه‌سا دا دێ سوريه‌ تووشي‮ ‬ره‌وشه‌كا گه‌له‌ك خراب بيت‮.‬
چاڤدێرێن مافێ مرۆڤى‮ ‬ل سوريێ ژى‮ ‬دبێژن‮ ‬زێده‌بارى‮ ‬گڤاشتنێن نێڤده‌وله‌تى‮ ‬هـه‌تا نهـا ژى‮ ‬هـێزێن سوريێ ب چه‌كێن گران هـێرشى‮ ‬خوه‌نيشاده‌ران دكه‌ن و هـژمارا كوشتيان ژى‮ ‬رۆژ رۆژێ زێده‌تر دبيت‮.‬
ل ئاليێ دى‮ ‬هـاته‌ زانين كو‮ ‬هـه‌ڤژينا سه‌رۆكێ سوريێ ئه‌سما ئه‌سه‌د وه‌ك نه‌رازيبوون ل هـه‌مبه‌ر كريارێن هـێزێن سوريێ دژى‮ ‬خوه‌نيشاده‌ران سوريه‌ بجهـ هـێلايه‌ و نهـا ل بريتانيا نيشته‌جى‮ ‬بوويه‌ و زێده‌بارى‮ ‬هـه‌موو بزاڤێن كو هـاتينه‌ كرن ژى‮ ‬هـه‌تا نهـا هـه‌ڤژينا به‌شارى‮ ‬ڤه‌گه‌رىانا خوه‌ بۆ سوريێ قه‌بوول نه‌كريه‌‮.‬
چاڤدێرێن سياسى‮ ‬ڤان هـه‌ر دو‮ ‬روودانان وه‌ك گڤاشتنێن مه‌زن بۆ ده‌ستهـه‌لاتا سوريێ و ب تايبه‌تى‮ ‬ژى‮ ‬به‌شار ئه‌سه‌دى‮ ‬ل قه‌له‌م دده‌ن و نهـا به‌شار ئه‌سه‌د گه‌له‌ك ته‌نگاڤ بوويه‌،‮ ‬نه‌ته‌وه‌يێن‮ ‬يه‌كگرتى‮ ‬و ئه‌مريكا ژى‮ ‬داخواز ژ ده‌ستهـه‌لاتا سوريێ كرينه‌ كو دڤێت ل زووترين ده‌م دا توندوتيژيا دژى‮ ‬خوه‌نيشاده‌ران بهـێته‌ راگرتن و سۆزێن كو ئه‌سه‌د بۆ گوهـۆرينان داينه‌ خه‌لكێ سوريێ ژى‮ ‬بجهـ ئينيت‮.‬

ليست هناك تعليقات:

إرسال تعليق