السبت، 28 مايو، 2011

سترانبێژ عه‌بدوڵڵا زێرین وه‌غه‌را دووماهی یێ كر




دهۆك 28 ئایار/ مایۆ (PNA) - پشتی ژیه‌كێ درێژ و پرِی خزمه‌ت د بوارێن موزیك و سترانا كوردی دا، سترانبێژێ ناڤدار عه‌بدوڵڵا زێرین ل باژێرێ دهۆكێ وه‌غه‌را دووماهی یێ كر.
موزیكڤان جه‌مال محه‌مه‌د ئه‌دیب تایبه‌ت ب ئاژانسا په‌یامنێر راگه‌هاند "ئه‌ڤرو شه‌مبی 28 ئایار/ مایۆ 2011 سترانبێژێ ناڤدار عه‌بدوڵڵا زێرین ل باژێرێ دهۆكێ وه‌غه‌را دووماهی یێ كر".
گوت ژی "عه‌بدوڵڵا زێرین ژ دایك بویێ سالا 1956 بوو ل باژێرێ ئامێدی یێ و ده‌رچۆیێ په‌یمانگه‌ها فێركرنا رادیۆیی بوو ل به‌غدا و پشكداریه‌كا كارا و به‌رچاڤ د گشت ئاهه‌نگ و یادێن نیشتیمانی دا هه‌بوو".
ئیماژه‌ دا وێ چه‌ندێ ژی "هه‌ر ژ ده‌ستپێكێ دا وی دڤی بیاڤی دا ل دووماهی یا سالێن شێستان وه‌ك سترانبێژه‌كێ خودان به‌هره‌ و شیان هاته‌ دناڤا مه‌یدانا هونه‌رێ كوردی دا".
ئه‌و ئێك ژی راگه‌هاند "ل سالێن هه‌فتێ یان چه‌ند به‌رهه‌مێن باش ل رادیۆیا كوردی ل به‌غدا تۆماركرینه‌ و سترانێن دوێت دگه‌ل هونه‌رمه‌ندێن ناڤدار گولبهار و نه‌سرین شێروان گوتینه‌".

گوت ژی "چه‌ند به‌رهه‌م بۆ تیپا دهۆك یا هونه‌ری ب سه‌رپه‌رشتی یا هونه‌رمه‌ندێ موزیكان دلشاد محه‌مه‌د سه‌عید تۆماركرینه‌ و پشكداری د پتریا ئاهه‌نگێن هونه‌ری یێن وی سه‌رده‌می دا كرینه‌".
سترانبێژ عه‌بدوڵڵا زێرین ده‌مێ شه‌ش سالان ل ئه‌لمانیا ئاكنجی بوو، پاشان وه‌ك فه‌رمانبه‌ره‌كێ ئه‌كتیف ل رێڤه‌به‌ریا گشتی یا ره‌وشه‌نبیری و هونه‌ری – دهۆك، رێڤه‌به‌ریا هونه‌رێ موزیكێ هاتیه‌ دامه‌زراندن و سه‌رۆكێ تیپا زێرین یا موزیكێ بوو.

هناك تعليقان (2):

  1. My compliments for your blog and pictures included,I invite you in my photoblog "photosphera".

    CLICK PHOTOSPHERA

    Greetings from Italy

    Marlow

    ردحذف
  2. ئةنجومةني مامؤستاياني بيشةنك : ريكخراويكي بيشةيية ئامانجي خزمةتكردني مامؤستايان وبرؤسةي بةروةردةية , ئةتوانن لة ريكاي ئةم بلوكةرةو بةيجةكانمان لة كوكل بلةس و فةيس بوك و تويتةرو يوتوب ئاكاداري كارو جالاكييةكانمان بن http://mamostaianpeshang.blogspot.com/

    ردحذف